Mungesa e gjatë e reshjeve dhe tubacionet problematike të kombinuara bashkë kanë sjellë rrezikun që qyteti i përjetshëm të ketë ujë me orar që prej kësaj jave.
Thatësira që ka pushtuar Italinë është më e ashpra e 60 viteve të fundit dhe në shumë zona të vendit reshjet janë reduktuar me 80% nga normalja, ndërsa dëmet në bujqësi llogariten në mbi 2 miliard euro. Por kur mungesa e ujit mbërrin Romën, situata shndërrohet në politike.
Guvernatori i provincës të Lazios urdhëroi që të mos përdoret më liqeni i Bracciano-s për të furnizuar Romën, pasi rrezikon që ai të thahet. Liqeni përdorej zakonisht për emergjenca, por vitet e fundit është shfrytëzuar rregullisht.
Menjëherë pas kësaj mase, kompania Acea, që furnizon Romën me ujë, tha se pa liqenin, bëhet i detyrueshëm racionimi i ujit dhe ndërprerjet e furnizimin me nga 8 orë në ditë me alternim lagjesh, mund të nisin që këtë javë.
Për më tepër, kompania Acea tha se ka nisur edhe mbylljen e çezmave të famshme publike të Romës, pikërisht për të kursyer ujë. Ekspertët thonë se veç thatësirës, problem serioz për Romën janë tubacionet e vjetra që humbasin deri në 40% të ujit.
Mbylljet e çezmave publike që tashmë ka nisur me një ritëm prej 30 në ditë dhe racionimi mundshëm i furnizimit të përgjithshëm me ujë, kanë zemëruar tej mase qytetarët e Romës dhe kanë vënë në vështirësi serioze kryebashkiaken nga lëvizja 5 yjet Virginia Raggi.
Bashkia zotëron aksione tek kompania e ujit Acea dhe të dyja këto po akuzohen se nuk kanë bërë asgjë për të riparuar infrastrukturën për vite dhe sapo vështirësitë nisin, zgjidhja e parë është të lënë njerëzit pa ujë.
“U qëllua me 6 plumba prapa shpinës”, detaje për incidentin ...
Vdes personi që u plagos sot në Mitrovicë
Prokuroria : Dejona Mihali po intervistohet në cilësinë e dë...
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...